Tagalog Pocketbooks

Batid niyang walang magiging epekto ‘yun sa bangkay. Pero kahit paano ay makakaantala ‘yun sa paglapit sa kanila.

Tinamaan sa. dibdib ng tv set ang bangkay na nauuna. Talsik ito na natumba at bumagsak sa dalawang bangkay na nasa likuran nito kaya sabay ang tatlo na napahiga sa sahig.

‘Yun namang mga bangkay na nasa likuran nila ay ganap nang nakasampa sa pasimano ang dalawa sa mga iyon at ang iba ay nagsisisampahan na rin. Nakapangunyapit ang mga kalansay na kamay ng mga ito sa pasimano ng bintana.

“Randy, ayan na sila sa likuran natin!”

Binigwasan ni Randy ng suntok ang isang bangkay na nasa likuran nila. Sapol ito na bumalandra sa mga kasama nitong bangkay na bago pa lang pasampa sa pasimano ng bintana. Dahil doon, natangay na nahulog uli sa lupa ang dalawa sa bangkay na kasama ang bangkay na sinuntok ni Randy.

Naalala ni Randy ang flashlight niya na nakasuksok sa likuran ng pantalon. Hinugot niya ‘yun saka malakas na inihampas sa mukha ng isa pa sa mga bangkay.

Sa lakas nang pagkakahampas ay nawasak ang flashlight. Talsikan ang mga piyesa nu’n. Ang salamin, ilaw pati apat na baterya.

Ang bangkay namang timaan ng pagkakahampas ay umikot na bumalandra rin sa mga kasama nitong bangkay. Parang bolilyo ng bowling na nagbagsakan ang mga ito.

Sinamantala iyon ni Randy.

“Dali Aleli, du’n sa silid natin!”

Hila sa kamay ang nagtitiling asawa ay mabilis silang tumakbo patungo sa kanilang silid. Upang pagdating lang doon ay masindak.

Ang bintana ng kanilang silid ay bukas na, nagsasampahan doon ang mga bangkay. May dalawa ng bangkay ang nakasampa na at nasa loob na ng kanilang silid.

Sumugod kay Randy ang dalawang bangkay. Tinadyakan niya ang isa rito. Sapol sa dibdib. Sa lakas ng tadyak niya, nagkalugutukan ang mga tadyang ng bangkay. Nabali ang ilan doon.

Pero parang balewala lang, sige pa rin ang sugod.

Isang tadyak din ang ibinigay niya sa ikalawang bangkay. Tinamaan ‘yun na tumama ang likod sa pasimano ng bintana na noo’y kasalukuyang sinasampahan ng ilan pa sa mga bangkay.

• Akala Ko Hindi Mo Pansin
• Hercule
• Isang Milyong Pag-Ibig
• Loved By The Rules
• My Prince Charming
• Pen-pen de Serafin
• Pilak Na Bughaw
• Santi Sixto
• Taghoy Sa Hatinggabi
• The Neighbors

• Santi Sixto – Kabanata 20
• Santi Sixto – Kabanata 19
• Santi Sixto – Kabanata 18
• Santi Sixto – Kabanata 17
• Santi Sixto – Kabanata 16
• Santi Sixto – Kabanata 15
• Santi Sixto – Kabanata 14
• Akala Ko Hindi Mo Pansin – Kabanata 10
• Santi Sixto – Kabanata 13
• Santi Sixto – Kabanata 12
• Santi Sixto – Kabanata 11
• Pen-pen de Serafin – Kabanata 2
• Pen-pen de Serafin – Kabanata 1
• Santi Sixto – Kabanata 10
• Akala Ko Hindi Mo Pansin – Kabanata 9

• Mga Epikong Tagalog
• Mga Nobelang Tagalog
• Tagalog Love Stories
• Taghoy Sa Hatinggabi

• Kababayan
• Mga Alamat
• Maikling Kwento
• Hack Friendster Private Profile Photos
• Talambuhay Ng Mga Bayani