Tagalog Pocketbooks

“Bitiwan n’yo ako! Bitiwan n’yo ako!”

Hinataw din ni Randy ng silyang rattan ang isa na nakahawak sa kaliwang kamay ng asawa. Sa dibdib din tinamaan. Nabitiwan din ang pagkakahawak sa kamay ni Aleli.

Pero ang silyang rattan ay nawasak na.

Kumuha uli ng isa pang silyang rattan si Randy. Pero nagawa ng natitirang bangkay na nakahawak sa kanang kamay ni Aleli na mayapos ito na patalikod.

Hindi ngayon magawang hatawin ni Randy ang bangkay dahil nakapaharap sa kanya ang asawa. Ito ang tatamaan kapag ginawa niya ‘yun.

’Yun mga bangkay ngayon na nahataw ni Randy at ‘yun pang nakalaban niya sa batalan ay sumugod sa kanya nang sabay-sabay.

Sinalubong niya ito ng hataw ng silyang rattan. Talsikan. Pero ‘yung nakayakap kay Aleli ay nagawa nang mailabas ng salas ang kanyang asawa sa tulong pa rin ng iba pang bangkay.

Nasa balkonahe na at hinihila na pababa ng hagdan si Aleli na nagsisisigaw.

Humabol si Randy para saklolohan ang asawa. Ngunit nilundag siya ng isa sa mga bangkay at nagawang mayapos siya sa beywang.

Dahil sa lakas ng lundag, napangudngod si Randy na una mukha sa sahig ng balkonahe kasama ang bangkay na nakayapos sa kanyang beywang.

Sa pagkakabagsak nilang ‘yun sa sahig, dumaluhong pa ang ilang bangkay. Pinagtulung-tulungan si Randy.

Pero pilit na nanlalaban ito. Nagbibigay lakas sa kanya ang naririnig niyang tili ng asawa na naibaba na ng bahay. Gusto niyang tulungan ito.

“Bitiwan n’yo ako mga hayup kayo!”

Suntok dito, suntok doon ang ginawa niya makakawala lang sa pagkakadagan sa kanya ng mga bangkay. Apat ang bangkay na nakadagan sa kanya.

Subalit nadadaig siya. At isa pa, halos paubos na ang lakas niya gawa ng pakikipaglaban sa mga ito kanina.

“Randy, tulungan mo ako!”

Narinig niyang sigaw ng asawa. Pero may kaliitan na ang boses. Tanda nang medyo malayo na ito sa bahay kubo nila.

• Akala Ko Hindi Mo Pansin
• Hercule
• Isang Milyong Pag-Ibig
• Loved By The Rules
• My Prince Charming
• Pen-pen de Serafin
• Pilak Na Bughaw
• Santi Sixto
• Taghoy Sa Hatinggabi
• The Neighbors

• Santi Sixto – Kabanata 20
• Santi Sixto – Kabanata 19
• Santi Sixto – Kabanata 18
• Santi Sixto – Kabanata 17
• Santi Sixto – Kabanata 16
• Santi Sixto – Kabanata 15
• Santi Sixto – Kabanata 14
• Akala Ko Hindi Mo Pansin – Kabanata 10
• Santi Sixto – Kabanata 13
• Santi Sixto – Kabanata 12
• Santi Sixto – Kabanata 11
• Pen-pen de Serafin – Kabanata 2
• Pen-pen de Serafin – Kabanata 1
• Santi Sixto – Kabanata 10
• Akala Ko Hindi Mo Pansin – Kabanata 9

• Mga Epikong Tagalog
• Mga Nobelang Tagalog
• Tagalog Love Stories
• Taghoy Sa Hatinggabi

• Kababayan
• Mga Alamat
• Maikling Kwento
• Hack Friendster Private Profile Photos
• Talambuhay Ng Mga Bayani